Հիփոթեքային վարկավորում

Ապրում եք Ձեր ծնողների՞ հետ, սակայն երազում եք ունենալ սեփական «անկյունը», հոգնե՞լ եք բնակարան վարձակալելուց, հիանալի կլիներ ապրե՞լ աշխատանքին մոտ: Լուծում կարող էր հանդիսանալ բնակարանի ձեռք բերումը, սակայն զգացվում է համապատասխան միջոցների սղությո՞ւն: Ինչո՞ւ սպասել երկար տարիներ մինչև կուտակվի անհրաժեշտ գումարը: Խնդրի ավելի արագ և օպտիմալ լուծում կարող է դառնալ վարկավորումը:

Վարկավորում հասկացությունը նոր երևույթ է մեր հանրապետությունում, սակայն վերջին տարիների ընթացքում աստիճանաբար տարածում է գտնում մեզանում: Վերջինիս «հանրայնացման» զուգընթաց ավելանում է նաև առաջարկների թիվը: Ինչպե՞ս ընտրել օպտիմալ տարբերակը: Խնդիրը այդքան էլ դյուրին չէ, իսկ սխալմունքը կարող է «թանկ արժենալ»: Սխալներից խուսափելու և ճիշտ որոշում կայացնելու համար դիմեք մեր մասնագետներին: Մենք մշտապես հետևում ենք վարկային շուկային, հետազոտում ենք առկա վարկավորման տարբերակները: Ուստի, ուսումնասիրելով Ձեր խնդիրները, կընտրենք Ձեզ համար վարկավորման ամենալավ տարբերակը:

Որոշ օգտակար տեղեկատվություն վարկավորման մասին

Ի՞նչ է պետք իմանալ վարկավորման մասին

Վարկը դա անշարժ գույքի գնորդին բանկի կամ այլ կրեդիտային կազմակերպության կողմից տրվող դրամական միջոցներն են:

Օգտագործելով տրամադրված գումարը՝ պարտատերը ձեռք է բերում անշարժ գույքը, որի դիմաց ամսեկան վճարումներ է կատարում: Ամսեկան վճարվող գումարը իր մեջ ներառում է մայր գումարի որոշ մաս, ինչպես նաև տոկոսները:

Վարկավորման առավելությունն այն է, որ գնելով բնակարան այդ ճանապարհով, մարդը հնարավորություն է ստանում ապրել իր երազանքի բնակարանում արդեն այսօր և վճարել դրա համար մաս-մաս` վարկավորման ամբողջ ժամանակահատվածում:

Ո՞վ կարող է ստանալ վարկը

Վարկ կարող է ստանալ կայուն աշխատավարձ կամ այլ եկամուտ ունեցող յուրաքանչյուր ֆիզիկական անձ, եթե, իհարկե, այդ գումարը բավարարում է վարկը վերադարձնելու համար:

Ի՞նչ փասաթղթեր են անհրաշետ վարկը ստանալու համար

1. Անձը հաստատող փաստաթղթի պատճեն
2. Տեղեկանք ընտանեկան կարգավիճակի մասին և բնութագիր (որոշ դեպքում սոցիալական քարտ)
3. Տեղեկանք բնակության վայրից
4. Աշխատանքային գրքույկի պատճեն
5. Տեղեկանք հիմնական աշխատավայրից` ներառող աշխատավարձի չափը և պաշտոնը
6. Տեղեկանք ամսեկան պարտավորությունների մասին (ալիմենտ և այլն)
7. Վկայագիր վարկային պատմության մասին
8. Պարտատերի անձնական ունեցվածքի վերաբերյալ սեփականության իրավունքի վկայական
9. Գնվող սեփականության վերաբերյալ սեփականության իրավունքի վկայական
10. Ամուսնական պայմանագրի վկայական (եթե առկա է)
11. Այլ անհրաժեշտ փաստաթղթեր

Վարկավորման մասին ավելի համալիր տեղեկատվություն ստանալու համար դիմեք մեզ Մաշտոցի 37 հասցեով, հեռախոս (+374 1) 58-09-01, էլ. Փոստ info@vvp.am։